Eg tek på meg oppdrag under artistnamnet Nilsy. Då tek eg gitaren min og munnspelet og prøver å laga god stemning. Det er mykje norsk musikk eg formidlar - det er songar som er kjekke å syngja med på. Eg har lang erfaring som musikar med blant anna band som 7-UP, Prügelknabe, Port Salutt Band, FESband, Furseth & Eide og J a r E i d m.fl. Eide er også grunnleggjar av KORe´Vindafjord. Eg er født i Trondheim og budde i Stavanger fram til eg flytta til Vikedal som 7 åring, der har eg budd sidan.

I september 2020 gjorde eg noko eg har drømt om lenge, eg har spelt inn min første låt i ABC studio. Eg har skrive låtar sidan starten på nittitalet., og låta eg har spelt inn skreiv eg då eg var lærar på Vikedal skule på slutten av nittitalet, den heiter «Jentene på benken» og handlar om tida før mobilen, då folk måtte ut for å møtast. Eg gjekk og kjørte ofte forbi Sommerhaven, der var det ein benk - kvar gong eg kjørte forbi, sat dei der - jentene på benken. Sjekk meir her. 

 
Klikk på bildet for å høyre songen på Spotify. Har du ikkje Spotify så kan du høyre den på Youtube her.

24.juni 2022 kom singelen "Fjelltur" og handlar om då N i l s y hadde vore litt for lenge på fest på den lokale puben. Som straff så tvinga kjærast og søstera han med på ein fjelltur dagen derpå. Turen var så slitsam at han blei inspirert til å skriva ein liten song om denne turen. Det blei nok ein lærepenge, han har ikkje gjort denne tabben etterpå- Når det er sagt så vart det ein fin tur til slutt, og det er absolutt å anbefala etter ein tur på by'n, ta turen ut i staden for å liggja på sofaen og sture:-) Kjetil Stople er medtekstforfattar, og desse to spelte denne songen mykje då dei rulte i distriktet som FESband for ein del år tilbake.


Nilsy sin tredje singel, Nødlsakt, kom ut 2. desember. 

På denne låta har eg fått med seg Kjetil Stople på. Stople spelte saman med meg i FESband for om lag 10 år sidan. Stople har vore med å skrive teksten til denne songen i lag med meg, som har komponert songen. Denne skreiv eg til opninga av eit nybygg på Fatland slakteri for ei tid tilbake, og FESband (Kjetil Stople og Nils Erik Eide) opptrådde med denne songen på opninga. Den handlar om ein av nødslaktsjåførane på Fatland slakteri, Anti, som har kjørt denne bilen så lenge ein kan hugsa. Songen er spelt inn i ABC Studio med Kjetil Ulland som produsent, her kan du høyre den på Spotify.

 

Ta gjerne kontakt dersom du ønskjer å booka meg til eit arrangement; kontaktinfo finn du i menyen "booking".

Lik gjerne sida mi på Facebook og les om meg på Rogalyd.no

N i l s y på Berget Kafè saman med FYK